"Әр адам өз тағдырының кейіпкері"

Сіз шалғай ауыл, не миллиондаған халқы бар мегаполисте тұрасыз. Лашық, не хан сарайының иесі болуыңыз әлбетте. Қалай болса әр таңда далаға шыққанда айналаңызға бір күн зер салып қараңызшы! Сізден өзге қаншама тіршілік иесі баз кешуде. Олар көзіңізге көрші, не осы нүктеден талай жылдан бері жылжымаған сатушы, яки, қолын жайып қайыр тілген бейбақ болып көрінуі мүмкін. Жоқ, қателестіңіз, олардың жүрегіне үңіліп көрдіңіз бе?

Әр адам - өмірдің кейіпкері. Бір жыл бойы «Кейіпкерде» еліміздің әр түкпіріндегі беймәлім жандар сан қырынан танылды. Енді біз әйгілі жұлдыздардың да қарапайым тіршілік иелерінен еш айырмасы жоқ екенін байқадық. Көз жасы мен күлкі сіз бен бізге қалай тән болса, жұлдыздарға да тұрмыс тән. Олар да құлай сүйеді, жастығын құшақтап жылаумен түндер өткізеді, бақыт құшағында шалықтап күледі... Бір сөзбен отқа күйеді, суға батады. Бұдан бөлек «Лұқпанды тоқ гитарадан тоқ ұрып, Майраның гувернанткасы үйін жымқырып, Алтынай темірді иіп сырға-білезік жасайтынын білесіз бе? Ендеше әр сенбіде 19.00-де журналист Гүлмира Әбіқаймен бірге жұлдызды «Кейіпкерді» тамашалаңыз!



Гүлмира Әбіқай

Жамбыл облысының Қордай өлкесінде дүниеге келген. Мектепті Алматыда тәмамдады. Мамандығы - журналист. Отбасында аяулы жар. Өткір де өзекті тақырыпты қолына алып, журналистік зерттеумен айналысқанды жаны сүйеді. Осыған дейін репортер боламын деп Қазақстанда баспаған тауы, бармаған ауылы қалмады. Еңбегі елеусіз қалған жоқ. 2008 жылы «Репортер» бағдарламасы үшін Қазақстан Журналистер Одағының лауреаты атанды. Енді журналистік зерттеудің өзге тәсілін тапты. Өзі көбіне кадр сыртында қалып, өз жайын кейіпкердің өзі айтсын деп шешті. Келіңіз, әр «Кейіпкерді» бірге тыңдап, тамашалайық!