Украинада президенттіктен Юлия Тимошенконың мүмкіндігі аз болса, Коста-Рикада өткен сайлауда керісінше, әйел үміткер үздік шықты. Лаура Чинчилья бұл елде алғашқы әйел- президент атанбақ.

Орталық сайлау комиссиясының алдын ала мәліметтері бойынша, Лаура Чинчильяға 48 пайыздан астам костарикалықтар қолдау көрсеткен. Одан басқа, тағы екі үміткер – Оттон Солис пен Отто Гевараны сайлаушылардың 23 және 21 пайызы жақтаған. Косто-Рикада президент сайлауында 40 пайыздан аса дауыс жинаған үміткер жеңіске жетеді. Сондықтан әйел үміткердің сайлауалды штабы қазірден-ақ жеңіс тойын бастап кетті. Сондай-ақ, қалған екі үміткер де Лаура Чинчильяның заңды жеңісін мойындайтынын мәлімдеп үлгерді. Айта кетейік, Лаура Чинчилья қазіргі мемлекет басшысы Орскар Ариас Санчестің жақтасы, әрі оның орынбасары, яғни вице-президент қызметін атқарып келді. Сарапшылар биліктегі “Ұлт азаттығы” партиясының кезекті жеңісінен кейін Коста-Рика саясатында елеулі өзгерістер болмайтынын болжап отыр.

Лаура Чинчилья, Коста-Рика президенттігінен үміткер:

- Дәл осы жерде тұрып, барлық Коста-Рика тұрғындарына уәде беремін. Мен бастаған биліктің есігі кез-келген тұрғын үшін ашық болмақ. Елдегі жағдайды бағдарлау үшін және тиімді даму үшін сіздердің де тараптарыңыздан белсенділік күтемін.

Форумға ойласу