08.02.2010 | АҚШ: Коннектикут штатындағы жылу электр станциясында жарылыс болып, 5 адам қаза тапты
Дастан Шымырбай
АҚШ-та төтенше оқиға тіркелді. Коннектикут штатындағы жылу электр станциясында болған жарылыстан 5 адам қаза тауып, ондаған тұрғын жараланды.
Жарылыс болған кезде станция ғимаратында 50-60 адам болған. Сондықтан құрбандар саны өсуі мүмкін. Станцияның газ құбырында болған жарылыстың арты ірі өртке ұласып, бірнеше шаршы шақырым аумақ күлге айналды. Маамандардың айтуынша, құтқару шарасы тым кеш басталған және қирандылар толық аршылып бітпеген. Қазір қала басшылығы көрші орналасқан елдімекендерден құтқару шараларына қол ұшын беруді сұрап отыр. Сондай-ақ, жарылыс салдарынан оқиға орнына жақын орналасқан 10 шақты үй зақымданды.
